کۆمسیۆن کامێرای چاودێری لە وێستگەکانی دەنگدان دادەنێت

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

کۆمیسیۆنی باڵای سەربەخۆی هەڵبژاردنەکانی عێراق لە رۆژی هەڵبژاردن، کامێرای چاودێری لە وێستگەکانی دەنگدان دادەنێت.

کۆمیسیۆنی باڵای سەربەخۆی هەڵبژاردنەکانی عێراق رایگەیاند، کامێرا و شاشەی چاودێری لە وێستگەکانی دەنگدان لە رۆژی هەڵبژاردندا دادەنێت.

ئاماژەی بەوەش کردووە، پڕۆسەی هەڵبژاردنی ئەزموونی سەرکەوتنی بەدەست هێناوە و کۆمیسیۆن لە رووی لۆجستیووە ئامادەکاریی تەواویی کردووە.

هاوکات کۆمیسیۆنی باڵای هەڵبژاردنەکان ئاشکراشی کردووە، رێکخراوە نێو دەوڵەتییەکان و شارەزایانی نەتەوەیەکگرتووەکانیش چاودێری پڕۆسەی هەڵبژاردنی ئەنجوومەنی پارێزگاکان دەکەن.

رۆژی شەممە 16ی ئەیلوولی 2023، کۆمیسیۆنی باڵای هەڵبژاردنەکانی عێراق لە بەغدا، پرۆسەی تیروپشکی بۆ دیاریکردنی ژمارەی لیستی پارت و هاوپەیمانیەتی و کاندیدانی سەربەخۆی هەڵبژاردنی ئەنجوومەنی پارێزگاکان ئەنجامدا، کە وابڕیارە لە 18ی کانوونی یەکەمی ئەمساڵ لە 15 پارێزگای عێراق بە کەرکووک و نەینەواوە بەڕێوەبچێت.

بۆ هەڵبژاردنی ئەنجوومەنی پارێزگاکانی عیراق، 134 لیست بەشداری دەکەن، کە لەنێوانیاندا 39 هاوپەیمانی 29 پارت و 66 کاندیدیش بەشێوەی سەربەخۆ هەن.