ئاسایشی هەولێر کەسێک بە تۆمەتی هەڕەشەکردن و بێزارکردنی هاووڵاتییان دەستگیر دەکات

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئاسایشی هەولێر کەسێک بە تۆمەتی هەڕەشەکردن و بڵاوکردنەوەی گرتە ڤیدیۆی نەشیاوی ئافرەتان و پیاوان دەستگیر دەکات کە خاوەنی زیاتر لە 10 کەناڵی تەلەگرام بووە و لەو رێگەیەوە ژمارەیەک لە هاووڵاتییانی بێزارکردووە.

ئاسایشی هەولێر لە ڕاگەیەنراوێكدا ئاماژەی بەوەكردووە، تۆمەتبار ( ك ، م ، م) بە فەرمانی دادوەری لێكۆڵینەوەی ئاسایشی هەولێر لەلایەن هێزەكانی ئاسایشەوە دەستگیركراوە، چونكە لەلایەن داد خوازێك سكاڵای لەسەر تۆمار كرابوو.

ڕاشیگەیاندووە، دوای ئەنجامدانی لێكۆڵینەوە دەركەوت، كە خاوەنی زیاتر لە 10 كەناڵە لە تۆڕی كۆمەڵایەتی تەلەگرام و گرتە ڤیدیۆی نەشیاوی چەندین ئافرەت و پیاوی بڵاوكردۆتەوە و هەڕەشەی لە چەندین كەسی تریش كردوە و بەدەیان گرتە ڤیدیۆی نەشیاوی كەسانی تر لەئامێری مۆبایلەكەی هەیە.

دەشڵێت: هەر كەسێك سكاڵای یاسای لەسەر ئەم تۆمەتبارە هەیە با سەردانمان بكات بۆ تۆمار كردنی سكاڵا لەسەری.

ئاسایشی هەولێر ناوی كەناڵەكانی ئەو تۆمەتبارەی بڵاوكردۆتەوە، كە ئەمانەی خوارەوەیە:

١-دادگای CTS خاوەنی گروپ

٢-دادگای CTS -1 خاوەنی گروپ

٣-خەێاڵی دڵەكان/ خاوەنی گروپ

٤-مانگی گەردون/خاوەنی گروپ

٥-دادگای لەشفرۆشان /ئەدمینی گروپ

٦-مەلەف چیەكانی تلیگرام/ئەدمینی گروپ

٧-دیوەخانی ساتۆر/ئەدمینی گروپ

٨-لێت نابورم / ئەدمینی گروپ

٩-شەوەزەنگ / ئەدمینی گروپ

١٠-درۆ خۆشەها/ ئەدمینی گروپ

١١-كاستۆ گروپ/ ئەدمینی گروپ

١٢-مانگی گەردون/خاوەنی گروپ

 

قەیوان گروپ

 


مایۆرکا سیتی جوانییەک لە دڵی سروشتدا