یەكەم حاڵەتی نەخۆشی كۆلێرا لە گەرمیان تۆمارکرا

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەڕێوبەرایەتی گشتی تەندروستی گەرمیان رایگەیاند، ئەمشەو یەكەم حاڵەتی نەخۆشی كۆلێرا لە گەرمیان تۆمارکرا كە ژنێكی تەمەن 24 ساڵە و لە ئێستاشدا لەژێر چاودێری پزیشكیدایە.
بەڕێوبەرایەتی گشتی تەندروستی گەرمیان لەڕاگەیەندراوێكدا بڵاویكردەوە،‌ یه‌كه‌م حاڵه‌تى نه‌خۆشی كۆلێرا له‌ گه‌رمیان دەستنیشانكرا كه‌ ژنێكى ته‌مه‌ن 24 ساڵه‌.

ئەوەشی خستەڕوو، تیمه‌كانى به‌ڕێوبه‌رایه‌تى خۆپاراستنى ته‌ندروستى گه‌رمیان راسپێردراون بۆ به‌دواداچوونى ئه‌و كه‌یسه‌ و لێكۆڵینه‌وه‌ له‌ سه‌رچاوه‌ى تووشبوونی.

داوا له‌ هاوڵاتیان ده‌كه‌ن كه‌ خۆپارێزیی بكه‌ن به‌مه‌به‌ستى دووربوون له‌ مه‌ترسییه‌كانى حاڵه‌ته‌كانى سكچوون و كۆلێرا، ئه‌ویش به‌ گرتنه‌به‌رى رێكارى پاكوخاوێنى و خۆپارێزی و دڵنیابوونه‌وه‌ له‌ پاكیی سه‌رچاوه‌ى ئاوی خواردنه‌وه‌ و به‌كارهێنانیان.

رۆژی پێجشەممە 31_8_2023 بەڕێوەبەری گشتی تەندروستی سلێمانی رایگەیاند، رۆژانە 100 كەس بەهۆی سكچون و رشانەوە سەردانی نەخۆشخانە دەكەن، لەو سامپڵانەشی كە رەوانەی بەغدا كراون پشتڕاستبوەتەوە كە 10 توشبوی كۆلێرا تۆماركراون.