پارتەکەی ئەردۆگان کار بۆ سڕینەوەی هەدەپە دەکات

ئەم بابەتە 126 جار بینراوە

پۆڵەتیک پرێس؛

پاری دەسەڵاتداری تورکیا(ئاک پارتی) کار بۆ سڕینەوەی سیاسیی پارتی دیموكراتی گەلانی (هەدەپە) دەکات و هەنگاوەکانی ئەو پرۆسەیەشی دەستپێكردووە.

لەم بارەیەوە، ساڵح كۆدای هاوسەرۆكی پارتی دیموكراتی گەلان لەماردین وتوویەتی؛ پارتی دەسەڵاتداری توركیا بە جددی هەوڵی سڕینەوەی سیاسیی پارتی دیموكراتی گەلانی دەستپێكردووە.

ساڵح كۆدای ڕایگەیاند، دەستگیركردنی پەڕلەمانتارانی پێشوو ئیستای پارتەكەی پیلانێكەو لەمێژە داڕێژراوە بۆ سڕینەوەی هەدەپە لە گۆڕەپانی سیاسی دا، ئەم کارەش لە بەرەنجامی شکستەکانی ئاک پارتی دەستی دراوەتێ.

هاوسەرۆكانی هەدەپە و ژمارەیەک پارلەمانتاری پێشوو ئیستا و سەرۆك شارەوانیی و ئەندامانی هەدەپە لەلایەن ئاكپارتیەوە دەستگیركراون و خراونەتە زیندان، چاودێرانی سیاسی دەڵێن ئامانجی ئاكپارتی ڕوون و ئاشكرایەو دەیەوێت هەدەپە واز لە کاریسیاسی بێنێت.

پەخشی راستەوخۆی رادیۆ پۆلەتیک