پۆڵەتیك: سپۆڕت
هاوكات لەگەڵ بەڕێوەچوونی تیروپشكی وەرزی نوێی خولی یانە پاڵەوانەكانی ئەوروپا خەڵاتی باشترینەكانی وەرزی ڕابردووش كرا كە تیایدا پشكی شێر بۆ یانەی بایرن میونخی ئەڵمانی پاڵەوانی 5 نازناوی ساڵی 2020 بوو.
هەروەك چاوەڕوان دەكرا پشكی شێری بردنەوەی خەڵاتەكان بۆ یاریزانانی یانەی بایرن میونخ و ڕاهێنەرەكەیان هانز دیتەر فلیك بوو بەو پێیەی ئەو یانەیە لە سەر ئاستی ناوخۆی ئەڵمانیا و كیشوەری ئەوروپا مەزنترین ئاستی پێشكەش كرد و توانی بە 5 نازناوی گشتی وەرزەكە شاد ببێت لە چاوەڕوانی دوا بڕیاری فیفاشدا سەبارەت بە جامی جیهانی یانە پاڵەوانەكانی كیشوەرەكان ئاخۆ ئەنجام دەدرێت تا بایرن هەوڵی بردنەوەی ئەوەش بدات تا ژمارەی جامەكانی بكاتە 6 یاخود فیفا هەڵیدەپەسێرێت و نازناوەكانی ئەو یانەیە لەگەڵ بەرشەلۆنەی ساڵی 2009 هاوتا نابێتەوە.
خەڵاتەكانیش بەم شێوەیە بوون:
1/ مانوێل نۆیەر – باشترین گۆڵچی/ بایرن میونخ
2/ جۆشوا كیمیخ – باشترین بەرگریكار/ بایرن میونخ
3/ كیڤن دی بڕۆین – باشترین نێوەندكار/ مانچستەر سیتی
4/ ڕۆبەرت لیڤاندۆڤیسكی – باشترین هێرشبەر/ بایرن میونخ
5/ هانز دیتەر فلیك – باشترین ڕاهێنەر/ بایرن میونخ
لە سەر ئاستی كیشوەری ئەوروپا و وەرگرتنی خەڵاتی درێسی بڕۆنزی ڕۆبەرت لیڤاندۆڤیسكی بە وێنەی فرانك ڕیبێری فەڕەنسی كە لە ساڵی 2013 خەڵاتەكەی بردەوە ئەویش توانی خەڵاتی درێسی برۆنزی ئەوروپا بباتەوە وەك باشترین یاریزانی كیشوەرەكە.
دانەر ئەسڵان
قەیوان گروپ
مایۆرکا سیتی جوانییەک لە دڵی سروشتدا
