شایستەی كۆمپانیای جێبەجێكاری پرۆژەی رێگەی كەلار-دەربەندیخان خەرجدەكرێت

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزارەتی دارایی هەرێمی كوردستان كێشەی كۆمپانیای جێبەجێكاری پرۆژەی رێگەی دووسایدی كەلار – دەربەندیخان چارەسەر دەكات و نزیكەی 670 ملیۆن دینار بۆ كۆمپانیاكە خەرجدەكرێت.

وەزارەتی دارایی و ئابووری حكومەتی هەرێمی كوردستان رایگەیاند، بە بڕیاری وەزیری دارایی و ئابووری لە ڕۆژی25_7_2023 كێشەی كۆمپانیای جێبەجێكاری پرۆژەی رێگەی دوو سایدكردنی كەلار – دەربەندیخان چارەسەركرا تا بتوانرێت شایستە داراییەكانیان بۆ خەرجبكرێت.

ئاماژەی بەوەشكردووە، لەسەر بڕیاری وەزیری دارایی و ئابووری و بەپێی نوسراوی ژمارە 42 لە رۆژی 30_7_2023، لەلایەن گەنجینەی دووی سلێمانییەوە بڕیاری خەرجكردنی بڕی 669 ملیۆن و 233 هەزار دینار لەسەر هەژماری بەڕێوبەرایەتی رێگەوبانی گەرمیانەوە بۆ سەر هەژماری كۆمپانیای بێشكان جێبەجێكاری پرۆژەی دووسایدكردنی رێگەی كەلار – دەربەندیخان دەرچووە، لە پێناو بەردەوامی بەڕێوەچوونی كارەكانی پرۆژەكە لەلایەن كۆمپانیای جێبەجێكارەوە.