وەزارەتی كشتوكاڵ بە قیستی درێژخایەن كەلوپەلی كشتوكاڵی بۆ جووتیاران دابین دەكات

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزارەتی كشتوكاڵ رایگەیاند، بەبێ خستنەسەری هیچ زیادەیەك لە نرخەكان و بە قیستی درێژخایەن، ئامێر و كەلوپەلی كشتوكاڵیی هاودە دەكرێن تا رادەستی جوتیاران بكرێن.

بێگەرد تاڵەبانی وەزیری كشتوكاڵ و سەرچاوەكانی ئاوی هەرێم رایگەیاند، یاداشتانامەیەكی لێكتێگەیشتنیان لەگەڵ بانكی جیهان كردووە، بە مەبەستی تاوتوێكردنی هەنگاوەكانی هێنانی ئامێر و كەلوپەلە پێشكەوتووەكانی كشتوكاڵی بەقیسی درێژخایەن.

راشیگەیاندووە، بانكی جیهان بەڵێنی هەماهەنگی و كارئاسانیانداوە بۆ ئەوەی بەبێ خستنەسەر هیچ زیادەیەك لە نرخی ئامێرەكان، میكانیزمی هاوردەكردنی ئامێرەكانیش بۆ جوتیاران لە ئەستۆبگرن لەرووی رێكارە بانكییەكانەوە، بەهەماهەنگی لەگەڵ وەزارەتی كشتوكاڵ.

وەزیری كشتوكاڵ ئاماژەی بۆ ئەوەشكرد، جوتیاران و خاوەن پڕۆژەكانی كشتوكاڵی بەپێی ئەو پڕۆسەیەی دارێژراوە لە فەرمانگەكانی وەزارەت دوابەدوای تۆماركردنی ناوەكانیان و خستنەرووی میكانیزمەكانی چۆنیەتی سوودمەندبوون، دەتوانن داوای ئەو جۆرە ئامێرانە بكەن كە پێویستییانە، بەقیستی درێژخایەن بۆ ماوەی پێنج ساڵ بە كواڵێتی پێشكەوتووی ئەوروپی و ئیتاڵی.

قەیوان گروپ

 


مایۆرکا سیتی جوانییەک لە دڵی سروشتدا