رێگە بە هاتنی ژمارەیەک میوانی چلەی ئیمام حسێن درا

پۆڵەتیک پرێس

وتەبێژی سەرۆک وەزیرانی عێراق پەسەندکردنی هاتنە ناوەوەی هەزار و ٥٠٠ سەردانیکەری چلەی ئیمام حسێنی بۆ وڵاتەکە راگەیاند.

ئەمڕۆ چوارشەممە، ئەحمەد مەلا تەڵال وتەبێژی مستەفا کازمی سەرۆک وەزیرانی عێراق بە میدیاکانی راگەیاند، کازمی بڕیاری هاتنە ناوەوەی هەزار و ٥٠٠ سەردانیکەری لە سەرجەم وڵاتانەوە پەسەند کردووە کە دەیانەوێت سەردانی چلەی ئیمام حسێن بکەن.

دەشڵێت: هاتنەناوەوەی میوانەکان دەبێت لەڕێی هێڵە ئاسمانییەکانەوە بێت و هەموو وڵاتان پابەندبن بە رێکارەکانی خۆپارێزی و تەندروستییەوە.

لەماوەی رابردوودا، عێراق هاتنەناوەوەی سەردانیکەرانی چلەی ئیمام حسێن کە دەکەوێتە رۆژی ٨ی تشرینی یەکەم، بەمەبەستی رێگری کردن لە زیاتر بڵاوبوونەوەی ڤایرۆسی کۆرۆنا قەدەغەکرد.

پەخشی راستەوخۆی رادیۆ پۆلەتیک