ئازەربایجان هەوڵ بۆ کردنەوەی کونسوڵخانە لە هەولێر دەدات

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئەمڕۆ چوارشەممە نێچیرڤان بارزانی، سەرۆکی هەرێمی کوردستان لەگەڵ نەسیر مەمەدۆف، هەڵسوڕێنەری باڵیۆزخانەی ئازەربایجان لە عێراق کۆبووەوە و گفتوگۆیان لەبارەی کردنەوەی کونسوڵخانەی ئەو وڵاتە لە هەولێر کرد.

لە کۆبوونەوەکەدا هەردوولا باسیان لە برەودان بە پەیوەندییەکانی عێراق و هەرێمی کوردستان لەگەڵ ئازەربایجان کرد و هاوڕابوون کە زەمینە و دەرفەتی باش هەیە بۆ برەودان بە پەیوەندییەکانیان بەتایبەتی لە بواری ئابووری و گەشتیاریدا.

هەر لەو کۆبوونەوەیەدا باس لە دەستپێکردنەوەی پڕۆسەی کردنەوەی کونسوڵخانەی ئازەربایجان لە هەرێمی کوردستان کرا.

پێشتر ڕۆژی 18ی شوباتی 2023، سەرۆکی ئازەربایجان ڕایگەیاند، کار لەسەر کردنەوەی کونسوڵخانەی وڵاتەکەی لە هەولێر دەکات.