ماڵپەڕی شەفافیەت داهاتی مانگی پێنجی سلێمانی و هەڵەبجە بڵاودەکاتەوە

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ماڵپەڕی شەفافیەت داهاتی مانگی پێنجی پارێزگاکانی سلێمانی و هەڵەبجەی ئاشکراکرد کە زیاتر لە 104 ملیار دینارە.

بەگوێرەی ماڵپەڕی شەفافیەت، لە مانگی ڕابردوودا داهاتی پارێزگاکانی سلێمانی، هەڵەبجە، ئیدارەکانی گەرمیان و ڕاپەڕین 104 ملیار و 571 ملیۆن و 925 هەزار و 631 دینار بووە.

هەر بەگوێرەی ماڵپەڕەکە، داهاتی مانگی پێنج نزیکەی 18 ملیار دینار لە داهاتی مانگی چوار زیاترە و داهاتی مانگی چوار 88 ملیار و 290 ملیۆن و 729 هەزار و 581 دینار بووە.

ئەم داهاتانە داهاتی نانەوتین و لەڕێگەی شەش گەنجینە “گەنجینەی دوو، گەنجینەی یەک، گەنجینەکانی گەرمیان، راپەڕین، چەمچەماڵ و هەڵەبجە” کۆکراونەتەوە.