نرخی نەوت بەرزدەبێتەوە

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

لەسەرەتای كردنەوەی بازاڕەكانی ئاسیا، نرخی نەوت رووی لە دابەزین كرد بەهۆی بەرزبوونەوەی قەبارەی نەوتی كۆگاكراو لە ئەمریكا، بەڵام دوای چەند كاتژمێرێك، رووی لە بەرزبوونەوە كرد.

ئەمڕۆ پێنج شەممە 1_6_2023 نرخی نەوتی برێنت لە 72 دۆلارەوە بەرزبووەوە بۆ 73 دۆلار و 8 سەنت، هەروەها نرخی نەوتی سووكی تەكساسی ئەمریكاش لە 67 دۆلارەوە بەرزبووەوە بۆ 68 دۆلار و 47 سەنت.

بەپێی پەیمانگەی نەوتی ئەمریكا، قەبارەی نەوتی كۆگاكراو لە ئەمریكا، هەفتەی رابردوو 5.2 ملیۆن بەرمیل زیادیكردووە. ئەمڕۆش داتا فەرمییەكانی حكومەتی ئەمریكا لەسەر قەبارەی نەوتی كۆگاكراو، بڵاودەبنەوە و پێشبینیدەكرێت بازاڕی نەوت كاریگەری پێیانەوە نیشانبدات.

وەبەرهێنەران و بازرگانانی نەوت ئێستا چاویان لە كۆبوونەوەی هاوپەیمانیی ئۆپێك پڵەس و بڕیارەكانیێتی، كە بڕیارە رۆژی 4ی ئەم مانگە، ئەنجام بدرێت.

وڵاتانی بەرهەمهێنەری نەوت لە ئۆپێك، لە كۆبوونەوەی پێشوویاندا لە مانگی نیسان، بڕیاریاندا رۆژانە 1.6 ملیۆن بەرمیل نەوت لە بازاڕدا كەمبكەنەوە.