ئاژانسی نێودەوڵەتی وزەی ئەتۆم: ئێران رێژەی پیتاندنی یۆرانیۆم بەرزدەكاتەوە

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

رێژەی پیتاندنی یۆرانیۆم لەلایەن ئێرانەوە زیاتر لە 20 هێندە لە ئاستی رێگەپێدراو زیاتربووە، یۆرانیۆمی پیتێنراوی عەمباركراویش چوار هەزار و 700 كیلۆی تێپەڕاندووە.

ئاژانسی نێودەوڵەتی وزەی ئەتۆم رایگەیاندووە، بەپێی بەدواداچوون و ئەو بەڵگانەی دەستیان كەوتووە، رێژەی پیتاندنی یۆرانیۆم لەلایەن ئێرانەوە 23 هێندە لەئاستی رێگە پێدراو بەپێی رێككەوتنی ئەتۆمییەكەی ساڵی 2015 زیاتربووە.

ئاماژەی بەوەشكردووە، یۆرانیۆمی پیتێنراوی عەمباركراویش لەلایەن ئێرانەوە گەیشتووەتە چوار هەزار و700 كیلۆگرام لەكاتێكدا بەپێی رێككەوتنە ئەمییەكە بۆی هەیە 202.8 كیلۆگرام یۆرانیۆمی پیتێنراو عەمبار بكات.