ڕەگەزنامەی هەرێمی کوردستان هاوڵاتیانی سنوری پارێزگای هەولێر ئاگاداردەکاتەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەڕێوەبەرایەتی گشتی ڕەگەزنامەی هەرێمی کوردستان، ئاگادارییەک بۆ هاوڵاتیانی سنوری پارێزگای هەولێر بڵاودەکاتەوە.

ئەمڕۆ شەممە6ی ئایار، بەڕێوەبەرایەتی گشتی ڕەگەزنامەی هەرێمی کوردستان ڕایگەیاند،” ئاگاداری هاوڵاتیانی سنوری پارێزگای هەولێر دەکەینەوە لە بەرواری 7/5/2023 نوسینگەی پاسپۆرتی(1) یەک، لە بەڕێوەبەرایەتی پاسپۆرتی پارێزگای هەولێر مامەڵەکردنی دەرهێنان و نوێکردنەوەی پاسپۆرت لەم نوسینگەیە ڕادەگرێت”.

ئاماژەی بەوەکرد، بەهۆی دانانی ئامێرەکانی کۆمپیوتەر و دانانی سیستمی پاسپۆرتی نوێ(پاسپۆرتی ئەلیکترۆنی) تا بەرواری 5/6/2023 مامەڵەی دەرهێنان و نوێکردنەوەی پاسپۆرت لە نوسینگەی پاسپۆرتی یەک لە پارێزگای هەولێر ڕادەگیرێت، بۆیە داوا لە هاوڵاتیان دەکەن ئەوانە مامەڵەی دەرهێنان و نوێکردنەوەی پاسپۆرت دەکەن پێویستە سەردانی نوسینگەی پاسپۆرتی دووی هەولێر بکەن، کە دەکەوێتە سەر شەقامی 150 مەتری ناو بەڕێوەبەرایەتی هاتووچۆی پارێزگای هەولێر لەدوای کاتژمێر یەک تا شەشی ئێوارە.

ڕوونیکردەوە، ئەو هاوڵاتیانەی مامەڵەی پاسپۆرتان کردووە و ناوەکانیان گەڕاوەتەوە پاسپۆرتەکانیان تەواوبووە پێویستە بەزووترین کات سەردانی نوسینگەی پاسپۆرتی یەک بکەن، بەمەبەستی وەرگرتنەوەی پاسپۆرتەکانیان لەهەمان شوێنی پێشووی خۆیان کە دەکەوێتە سەر شەقامی 120 مەتری لە گەڕەکی سەربەستی 32 پارک.