نەتەوەیەكگرتووەكان: شەش هەزار كەس لە سودانەوە بەرەو ئەفریقای ناوەڕاست هەڵاتوون

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

نەتەوە یەكگرتووەكان دەڵێت، نزیكەی شەش هەزار كەس كە زۆربەیان ژنن، لە دوو هەفتەی رابردوودا بەرەو كۆماری ئەفریقای ناوەڕاست هەڵاتوون.

ئاژانسی پەنابەرانی سەر بە نەتەوە یەكگرتووەكان بڵاویكردەوە، 70%ی ئەو ژمارەیە ژنن، 15%یان كچن و 10%یشیان پیاون.

ئەوەش لە كاتێكدایە، لە 15ی نیسانەوە شەڕ و پێكدادان لەنێوان سوپای سوودان بە سەركردایەتیی عەبدولفەتاح بورهان و هێزەكانی پشتیوانیی خێرا بە سەركردایەتیی محەمەد دەگەلۆ، ناسراو بە حمێدتی، بەردەوامە. ناو بە ناو چەند جارێك ئاگربەست راگەیەندراوە، بەڵام وێڕای ئاگربەستیش، پێكدادانەكان بەردەوامن.