فەرمانگەی وزەی ئەمریکا: هەنارەدەی نەوتی عێراق بۆ ئەمریکا بەڕێژەیەکی بەرچاو زیادیکردووە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

فەرمانگەی وزەی ئەمریکا ڕایگەیاند، بەپێی ئاماری نەوتی هاوردەکراوی هەفتەی ڕابردووی وڵاتەکەی، عێراق ڕۆژانە بڕی 222 هەزار بەرمیل نەوتی هەناردەی ئەمریکا کردووە و بەوشێوەیە بەراورد بە هەفتەی پێشتر بەڕێژەیەکی بەرچاو زیادیکردووە.

فەرمانگەی وزەی ئەمریکا ئاماری نەوتی هاوردەکراوی وڵاتەکەی لەماوەی هەفتەی ڕابردوودا بڵاوکردەوە، کە ئەمریکا لە هەفتەی ڕابردوودا ڕۆژانە بڕی پێنج ملیۆن و 191 هەزار بەرمیل نەوتی لە نۆ وڵاتی جیهانەوە هاوردەکردووە.

ئاماژەی بەوەکرد، عێراق ڕۆژانە بڕی 222 هەزار بەرمیل نەوتی هەناردەی ئەمریکا کردووە، لەکاتێکدا هەفتەی پێشتر ڕۆژانە 180 هەزار بەرمیلی هەناردەی ئەمریکا کردووە.

ڕوونیکردەوە، بەپێی ئاماری هەفتەی ڕابردوو عێراق لە پلەی چوارەمدایە بۆ فرۆشتنی زۆرترین بڕی نەوت بە ئەمریکا.