تەرمی دوو كۆڵبەر لە بەنداوی كێلێ دۆزرانەوە

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

دوای نۆ رۆژ تەرمی دوو كۆڵبەر لە بەنداوی كێلێ لە بانەی رۆژهەڵاتی كوردستان دۆزرانەوە.

مەجید ئیمامی سەرۆكی تیمی ئۆفرۆدی سەقز رایگەیاند، بە هەوڵ و هاوكاری تیمەكانی ئاگركوژێنەوە و مانگی سوری شارەكانی بانە و سەقز و مەریوان و بۆكان و سنە، توانیویانە تەرمی دوو كۆڵبەر بە ناوەكانی ئەفشین فەلاحی تەمەن 22 ساڵ و مەهدی رەحمەتی تەمەن 23 ساڵ و خەڵكی شاری سەقز، لە بەنداوی كێلێی بانە بدۆزنەوە.

ئاماژەی بەوەشكرد، دوای دەرهێنانەوەیان لە بەنداوی كێلێ، تەرمی ئەو دوو كۆڵەبەرە رەوانەی نەخۆشخانەی سەلاحەدینی ئەیوبی بانە كراون و دوای توێكاری، تەرمەكان رادەستی كەسوكاریان دەكرێتەوە.

ئەو دوو كۆڵبەرە رۆژی 6 ی ئەم مانگە لەكاتی پەڕینەوەیان بە بەلەم لە بەنداوی كێلێی بانە سەر بە پارێزگای سنە، بەلەمەكەیان ژێرئاو كەوت و خنكان.

قەیوان گروپ

 


مایۆرکا سیتی جوانییەک لە دڵی سروشتدا