پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەڕێوەبەرایەتی کەشناسی و بوومەلەرزەزانی سلێمانی کەشی پێشبینیکراوی 48 کاتژمێری داهاتووی بڵاوکردەوە.
ئەمڕۆ چوارشەممە 29ی ئادار، ئاسمان نیمچە هەورە بەگشتی، سنوری پارێزگای دهۆک ئاسمان نیمچە هەورە و دەگۆڕێت بۆ هەوری تەواو لەگەڵ باران بارین، لەئێوارەدا کاریگەری بارانەکە زیاتر دەبێت و دەگۆرێت بۆ لێزمە باران و هەورە تریشقە بەتایبەت لەسەر ناوچە شاخاوییەکانی ڕۆژهەڵاتی پارێزگاکە.
سبەی پێنج شەممە 30ی ئادار، ئاسمان پەڵە هەور دەبێت و هەندێک ناوچە نیمچە هەورە بەگشتی، لەسنوری پارێزگای دهۆک ئاسمانی نیمچە هەور و هەوری تەواو دەبێت لەگەڵ کەمێک باران بارین لەسەر ناوچە جیاجیاکانی ئەم پارێزگایە، لە درەنگانی شەودا کاریگەری بارستە هەوایەکی سارد ڕوو لە ناوچەکە دەکات و پلەکانی گەرما نزم دەکاتەوە بەچەند پلەیەک.
بەپێی کەشی پێشبینیکراو، بەرزترین پلەی گەرما لە گەرمیان دەبێت کە 23 پلەی سیلیزیە، نزمترین پلەی گەرماش لە سلێمانی دەبێت کە 15 پلەی سیلیزیە.