قائیمقامیەتی سلێمانی ڕێکاری توند بۆ مانگی ڕەمەزان دەگرێتەبەر

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

له‌دوو رۆژی رابردوودا لیژنه‌ هاوبه‌شه‌كانی قائیمقامیەتی سلێمانی ده‌ستیان به‌سه‌ر بڕێكی زۆر میوه‌ی جۆراوجۆردا گرتووه‌ و سه‌رۆكی لیژنه‌كانیش ده‌ڵێت: ئه‌م شوێنانه‌ داده‌خه‌ین.

ئەمڕۆ یەکشەممە رێكان جه‌مال، سه‌رۆكی لیژنه‌ هاوبه‌شه‌كانی قائیمقامیه‌تی سلێمانی رایگه‌یاند، هه‌ڵمه‌تی لیژنه‌ هاوبه‌شه‌كان بۆ دوكان و بازاڕ و شوێنه‌ گشتییه‌كان به‌رده‌وامه‌ و سه‌رجه‌م  بازاڕ و كۆگا و دوكانی گه‌ڕه‌كه‌كان ده‌گرێته‌وه‌، له‌ دوو رۆژی رابردووشدا ده‌ست به‌سه‌ر بڕێكی زۆر شیرینی و شه‌ربه‌ت و میوه‌ی جۆراوجۆردا گیراوە كه‌ خراپبوون و شیاوی خواردن نه‌بوون.

باسی لەوەشکرد، به‌داخه‌وه‌ به‌شێك له‌ دوكاندار و بازرگانه‌كان، مانگی ره‌مه‌زانی پیرۆز به‌ده‌رفه‌ت ده‌زانن ئه‌و كاڵاوشمه‌كانه‌ی خراپبون یان ماوه‌ی به‌كارهێنانیان نزیك به‌سه‌رچونه‌‌، هه‌وڵ ده‌ده‌ن له‌رێگه‌ی عه‌ره‌بانه‌ و ده‌ستگێڕه‌كانه‌وه (به‌ناوی) ‌نرخێكی كه‌متربه‌سه‌ر هاوڵاتیاندا ساغبكه‌نه‌وه‌.

رێكان جه‌مال هۆشیاری توند به‌خاوه‌ن شوێنه‌كان ده‌دات و ده‌ڵێت، له‌سه‌ر فه‌رمانی قائیمقامی سلێمانی لیژنه‌ هاوبه‌شه‌كان راسپێردراون كه‌له‌هه‌رشوێنێك سه‌رپێچی تۆماربكرێت، شوێنه‌كه‌ داده‌خرێت و خاوه‌نه‌كه‌شی روبه‌ڕوی رێكاری یاسایی توند ده‌كرێته‌وه‌.

هاوکات، داوا له‌سه‌رجه‌م خاوه‌ن و كارمه‌ندی شوێنه‌كان ده‌كات، پابه‌ندبن به‌مه‌رج و رێنماییه‌كانی كاركردن بۆئه‌وه‌ی لیژنه‌ هاوبه‌شه‌كان ناچارنه‌بن رێكاره‌ یاساییه‌كانیان به‌رامبه‌ر بگرنه‌به‌ر.