بەهۆی ڕووداوێکی هاتووچۆوە پێنج کەس برینداربوون

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەیانی ئەمڕۆ، چوارشەممە 22ی ئادار، بەهۆی ڕووداوێکی هاتووچۆی سەختەوە ژمارەیەک هاوڵاتی برینداربوون.

ڕووداوەکە، بەیانی ئەمڕۆ چوارشەممە لەسەر ڕێگای گشتی کەرکوک-سلێمانی، لە ناوچەی کانی شەیتان ڕوویداوە و بەهۆیەوە پێنج کەس برینداربوون.

ئەو پێنج هاوڵاتییەی برینداربوون سەرجەمیان سەرنشینی یەک ئۆتۆمبێل بوون، کە سێ منداڵ و ژن و پیاوێک بوون.

ڕووداوەکەش بەهۆی لە کۆنتڕۆڵ دەرچوونی ئۆتۆمبێلە تایبەتەکەوە ڕوویداوە، لەکاتێکدا کە ئۆتۆمبێلێکی بارهەڵگر بەشێوەیەکی نایاسایی پێچیکردۆتەوە.