پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
پێشنیوەڕۆی ئەمڕۆ یەکشەممە کۆسرەت ڕەسوڵ عەلی، سەرۆکی ئەنجومەنی باڵای سیاسی و بەرژەوەندی یەکێتی نیشتمانی کوردستان سەردانی هێرۆ ئیبراهیم ئەحمەد، ئەندامی ئەنجومەنی باڵای سیاسی و بەرژەوەندی یەکێتی کرد.
لە میانی دیدارەکەدا کۆسرەت ڕەسوڵ عەلی دڵخۆشی خۆی بە باشی تەندروستی هێرۆ ئیبراهیم ئەحمەد دەربڕی و هیوای ساغ و سەلامەتی و تەندروست باشی بۆ خواست، هاوکات پیرۆزبایی یادی راپەڕین و جەژنی نەورۆزی لێکرد، وەک دو بۆنەی گرنگی نیشتمانی و نەتەوەیی.
هاوکات، کۆسرەت ڕەسوڵ عەلی باسی لە ڕۆڵی هێرۆ خان کرد وەک ژنێکی پێشمەرگە و تێکۆشەر و قارەمان کە لە خەباتی شاخ ڕۆڵی بەرچاوی هەبووە و هاوکار و پشتیوانی بەهێزی مام جەلال و پێشمەرگەکانی شۆڕشی نوێ بووە.