پۆڵەتیك پرێس
راوێژكاری ئاسایشی نیشتمانی عێراق سەردانی هەرێمی كردو بڕیارە لەبارەی چارەسەری كێشەكانەوە لەگەڵ بەرپرسانی ئەمنی هەرێم كۆبێتەوە.
لەو سەردانەیدا قاسم ئەعرەجی راوێژكاری ئاسایشی نیشتمانی عێراق لەگەڵ سەرۆكی حكومەت و بەشێك لە بەرپرسانی ئەمنی هەرێم كۆدەبێتەوە، تاوەكو لەبارەی كێشە هەڵپەسێراوەكانی نێوان هەرێم و بەغدا گفتوگۆیان لەگەڵدا بكات.
هاوكات پرسی هەماهەنگی پێشمەرگە و سوپای عێراق لە ناوچە جێناكۆكەكان یەكێكی دیكە دەبێت لە ئامانجی سەردانەكەی قاسم ئەعرەجي.
پێشتر، قاسم ئەعرەجی لە كۆبوونەوەیەكیدا لەگەڵ ژمارەیەك پەرلەمانتاری كورد بەڵێنی دابوو بەدواداچون بۆ ناكۆكییەكانی نێوان پێكهاتەكانی كەركوك و جەلەولا و سەعدییە بكات.
ئەوەش دوای ئەوە دێت لەماوەی رابردودا بەشێك لە عەرەبی هاوردە لە كەركوك و دەوروبەری هەوڵیاندا دەست بەسەر زەوی و و موڵكی هاوڵاتیانی كوردی ناوچەكە بگرن، بەهۆیەشەوە وەزارەتی دادی عێراقی كاركردنی بە تاپۆی رەشی ئەو ناوچانە راگرت.