پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وتەبێژی کۆشکی سپی بەبۆنەی ڕێککەوتنی ئێران و سعودیە لەبارەی ئاساییکردنەوەی پەیوەندییەکانیان پەیامێکی بڵاوکردەوە.
لە پەیامەکەیدا وتەبێژی کۆشکی سپی ڕایگەیاند، ئەمریکا ئاگاداری پەیوەندییە دیبلۆماسییەکانی نێوان ئێران و سعودیەیە.
وتیشی، ئێمە پێشوازی لە هەر هەوڵێک دەکەین کە بۆ کۆتاییهێنان بە جەنگ و ئاڵۆزی لە ڕۆژهەڵاتی ناوەڕاست بدرێت.
باسی لەوەشکرد، دیبلۆماسیەت و کەمکردنەوەی ئاڵۆزییەکان لە پایە سەرەکییەکانی ئەو سیاسەتەن کە جۆ بایدن، سەرۆکی ئەمریکا لە سەردانەکەی ڕابردوویدا بۆ ناوچەکە خستیەڕوو.
ئەوەش لەکاتێکدایە ئەمڕۆ هەینی ئێران و سعودیە لە بەیاننامەیەکی هاوبەشدا ئاساییکردنەوەی پەیوەندییەکانیان ڕاگەیاند.