مەحمود محەمەد: هەڵبژاردن بە چوار بازنە دەکرێت

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

مەحمود محەمەد، وتەبێژی پارتی ئاشکرایکرد، ڕێککەوتن لەسەر چوار بازنەیی و تۆماری دەنگدەرانی عێراق کراوە.

لە لێدوانێکی ڕۆژنامەوانیدا مەحمود محەمەد ڕایگەیاند، “ئێمە سوورین لەسەر ئەوەی ئەمساڵ هەڵبژاردن بەڕێوەبچێت، چونکە ئەگەر ئەمساڵ بەڕێوەنەچێت ئەوا زیانی زۆر گەورەی نەتەوەیی و نیشتمانیمان پێدەگەیەنێت”.

جەختی لەوەش کردەوە، ئەگەر ویستی تەواو هەبێت، شتێکی ئەوتۆمان لەپێش نییە کە وابکات هەڵبژاردن بەڕێوەنەچێت”.

ئەوەشی خستەڕوو، پارتی و یەکێتی، پارتی و گۆڕان، ڕێککەوتنی سیاسییان هەیە و لەگەڵ لایەنەکانی دیکەش نزیکبوونەوە و هەماهەنگی هەیە.

پرسی هەڵبژاردن لە ئێستادا دیارترین پرسی هەرێمی کوردستانە و زۆرێک لە لایەنە نێودەوڵەتی و هەرێمییەکان فشاردەخەنەسەر هەرێمی کوردستان هەرچی زووە هەڵبژاردن ئەنجامبدات.