پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزارەتی ناوخۆی حكومەتی هەرێمی كوردستان ڕایگەیاند، ئەو ئۆتۆمبێلانەی كە بەردی ساڵنسەیان دەرهێنراوە تۆمار ناكرێن.
فەرمانگەی میدیا و زانیاری حكومەتی هەرێم لە ڕاگەیەندراوێكدا رایگەیاند، دەستەی پاراستن و چاككردنی ژینگە بۆ پاراستنی ژینگە و كەمكردنەوەی كاریگەریی دووكەڵ، بە نووسراوێك داوایان لە وەزارەتی ناوخۆ كردووە، ئەو ئۆتۆمبێلانەی بەردی ساڵنسەیان دەرهێنراوە، لە بەڕێوەبەرایەتییەكانی هاتووچۆ تۆمار نەكرێن.
بەپێی راگەیەندراوەكەی فەرمانگەی میدیا و زانیاری، وەزارەتی ناوخۆ لەسەر پێشنیازی دەستەی ژینگە، لە ڕێگەی بەڕێوەبەرایەتیی گشتیی هاتوچۆوە، سەرجەم بەڕێوەبەرایەتییە گشتییەكانی هاتووچۆی پارێزگاكان و ئیدارە سەربەخۆكانی ئاگادار كردووەتەوە كار بە نووسراوە گشتێنراوەكە بكرێت و هیچ ئۆتۆمبێلێك ئەگەر بەردی ساڵنسەیان دەرهێنرابێت، تۆمار نەكرێت.
ئاماژەی بەوەشكردوە، بەردی ساڵنسا وەكو فلتەرێك كار بۆ هەڵمژینی دووكەڵی ئۆتۆمبێل دەكات و ژینگە لە گەرمی و گازە ژەهراوییەكان دەپارێزێت، بەڵام بەشێك لە شۆفێران بە مەبەستی بەهێزكردنی هەڵمەتی ئۆتۆمبێلەكانیان و فرۆشتنەوەیان، ئەم بەردە لە سیستەمی دوكەڵ دەركردنی ئۆتۆمبێلەكانیان دەردەهێنن.