پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزارەتی دارایی و ئابووری حکومەتی هەرێم ئاشکرای کرد، ئەو هەواڵەی بەناوی وەزیری داراییەوە لەباری دابەشکردنی مووچەی مانگی شوبات بڵاوکراوەتەوە دوورە لە ڕاستییەوە.
کەمێک پێش ئێستا وەزارەتی دارایی و ئابووری حکومەتی هەرێم ڕایگەیاند، لەچەند پەیج و دەزگایەکی ڕاگەیاندن لێدوانێک بە ناوی وەزیری دارایی و ئابورییەوە بڵاوکراوەتەوە دەربارەی دابەشکردنی مووچەی مانگی شوبات.
ئەوەشی خستەڕوو، بۆ هەموو لایەکی ڕوون دەکەینەوە کە وەزیری دارایی و ئابووری لێدوانی بۆ ئەو پەیجەو هیچ دەزگایەکی ڕاگەیاندن نەداوە.
ئاماژەی بەوەش کرد، هەر پێشهات و گۆڕانکاریەک هەبێت سەبارەت بەدابەشکردنی مووچە لە پەیجی ڕەسمی وەزارەت بڵاو دەکرێتەوە، هەر لێدوان و زانیاریەک لەپەیجی ڕەسمی وەزارەتی دارایی و ئابوری بڵاو نەکرێتەوە هیچ بنەمایەکی نییەو بەهەند وەرناگیرێت.
ئەوەش لەکاتێکدایە پێشتر هەواڵی ئەوە بڵاوکرایەوە گوایە وەزیری دارایی وتوویەتی لە ڕۆژانی داهاتوودا مووچەی مانگی شوبات دابەش دەکرێت.