پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سه‌رۆكى یه‌كێتیى نیشتمانى كوردستان ئه‌مڕۆ چوارشه‌ممه 1ى ئازار، به‌شدارى له كۆڕبه‌ندى ساڵانه‌ى هه‌ولێردا ده‌كات و له‌باره‌ى ئاینده‌ى دۆخى ناوخۆیی هه‌رێمى كوردستان قسه ده‌كات.
بەیانی ئەمڕۆ کاتژمێر 9:00 لە شاری هەولێر دووەمین کۆڕبەندی ساڵانەی هەولێر دەستیپێکرد.
بەگوێرەی زانیارییەکان یه‌كێك له‌و سیاسه‌تمه‌دارانه‌ى كه ئه‌مڕۆ له كۆڕبه‌نده‌كه‌دا وه‌ك قسه‌كه‌ر به‌شدارى ده‌كات بافڵ جه‌لال تاڵه‌بانى، سه‌رۆكى یه‌كێتیی نیشتمانیی كوردستانه كه له‌باره‌ى “پرسى سه‌قامگیرى و ئاینده‌ى دۆخى ناوخۆیی هه‌رێمى كوردستان قسه ده‌كات”.
كۆڕبه‌نده‌كه بۆ ماوه‌ى دوو رۆژ به‌رده‌وامى ده‌بێت و گرنگترین ته‌وه‌ره سه‌ره‌كییه‌كانى بریتین له، “دۆخى ناوخۆیی هه‌رێمى كوردستان، رۆڵى ژن له هه‌رێمى كوردستان، ته‌گه‌ره ئابووریى و سیاسیه‌كانى عێراق له‌نێوان ریفۆرم و داڕماندا، دۆخى عێراق دواى دوو ده‌یه له دیكتاتۆریه‌ت، ئاراسته‌ى سیاسى ده‌ره‌وه‌ى توركیا”.
له كۆڕبه‌نده‌كه‌دا 100 میوان له ته‌واوى جیهانه‌وه به‌شدار ده‌بن و نۆ پانێڵ و 8 گفتوگۆى جیاواز به‌ڕێوه‌ده‌چن له‌باره‌ى پرسه جیاوازه‌كانه‌وه.
دیارترین میوانه‌كانى كۆڕبه‌نده‌كه‌ش بریتین له، بافڵ جه‌لال تاڵه‌بانى، سه‌رۆكى یه‌كێتیی نیشتمانیی كوردستان، نێچیرڤان بارزانى، سه‌رۆكى هه‌رێمى كوردستان، رێواز فایه‌ق، سه‌رۆكى په‌رله‌مانى كوردستان، حه‌یده‌ر عه‌بادى، سه‌رۆكوه‌زیرانى پێشووى عێراق، هادى عامرى، سه‌رۆكى هاوپه‌یمانى فه‌تح، عه‌لى ڕه‌زا گونه‌یی، باڵیۆزى توركیا له عێراق، جه‌یمیس جێفرى، راوێژكارى پێشووى ئاسایشى نه‌ته‌وه‌یی ئه‌مریكا.
قەیوان گروپ
مایۆرکا سیتی جوانییەک لە دڵی سروشتدا
