پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەمڕۆ سێشەممە 28ی شوبات، کۆمپانیای سۆمۆ بەهای بەرهەمە نەوتییە هاوردەکراوەکانی بۆ ساڵی 2022 ڕاگەیاند.
هاوردەکردنی بەرهەمە نەوتییەکان سێ جۆر سوتەمەنی لەخۆدەگرێت، بەنزین، غازی شل و نەوتی سپی، کۆمپانیای سۆمۆ ڕوونیکردەوە بەهای بەرهەمە نەوتییەکان بۆ ساڵی 2022 زیاتر بووە لە پێنج ملیار دۆلار، بەپێی خشتەی ساڵانەی کۆمپانیاکە بڕی بەرهەمە نەوتییە هاوردەکراوەکان بۆ ساڵی ڕابردوو پێنج ملیار و 299 ملیۆن و 817 هەزار و 129 دۆلار بووە.
باسی لەوەشکرد، کۆی گشتی بڕی هاوردەکراوی هەموو بەرهەمە نەوتییەکان بۆ ساڵی 2022 بەڕێژەی %60.43 بەراورد بەساڵی 2021 زیادیکردووە، لەکاتێکدا بەهای هەوردەکردن لەساڵی 2021 بریتیبووە لە سێ ملیار و 303 هەزار دۆلار.
عێراق بەهۆی کەمی پاڵاوگەکانی و نۆژەنکردنەوەیان ساڵانە لە وڵاتانی جیهانەوە بەرهەمەکانی نەوت هاوردە دەکات، خواستی بەکارهێنانی بەرهەمە نەوتییەکانیش بەردەوام لە زیادبووندایە، بەوشێوەیەش بڕی هاوردەکراوی بەرهەمە نەوتییەکانی ساڵی 2022ی بەراوراد بە ساڵی پێشتر زیادیکردووە.
قەیوان گروپ
مایۆرکا سیتی جوانییەک لە دڵی سروشتدا
