پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆکی ئەمریکا رایگەیاند، سەرکەوتنی ئۆکرانیا دووپات دەکەنەوە و گەرەنتی دەدەن کە روسیا لەم جەنگەدا سەرناکەوێت و هەرگیز پشتیوانیکردنی ئۆکرانیا نابێتە هۆی لاوازبوونی هاوپەیمانی ناتۆ.
جۆ بایدن سەرۆکی ئەمریکا لە وتارێکیدا لە وارشۆی پایتەختی پۆڵەندا رایگەیاند، هەڵگیرساندنی جەنگ و هێرشکردنە سەر ئۆکرانیا لەلایەن روسیاوە تاوانێکی گەورە بوو، ئەوەی گرنگە تا ئێستا ئۆکرانیا بەهێز و خۆڕاگرە.
وتیشی، لەگەڵ سەرکردەکانی وڵاتانی جیهان شان بە شان دەوەستن و پشتیوانی لە دیموکراسیەت دەکەن و بۆ سەرۆکایەتی ئۆکرانیای دووپات دەکەنەوە کە بەردەوام پشتیوانی لەو وڵاتە دەکەن.
ئاماژەى بەوەشکردوە، لە ئێستادا هاوپەیمانی ناتۆ لە هەموو کاتێک بەهێزتر و پتەوترەو کاردەکەن بۆ ئەوەی ئەوروپا سەربەخۆ بێت لە وزەی روسیا.
سەرۆکی ئەمریکا روونیکردەوە، ڤلادمیر پوتینی سەرۆکی روسیا گرەوی جیابوونەوەی وڵاتانی ناتۆی دۆڕاند و پشتیوانی ئەوان بۆ ئۆکرانیا نابێتە هۆی لاوازی و هەڵوەشاندنەوەی ناتۆ.
سەرۆکى ئەمریکا جەختیکردەوە، کە روسیا لە جەنگی ئۆکرانیاندا سەرکەوتوو نابێت و دەدۆڕێت.