پۆڵەتیک پرێس
چەندین جۆری جیاواز لە هەوکردنی جومگەکان هەیە کە ژمارەیەکی زۆر بەدەستیەوە دەناڵێنن و چەندین چارەسەری جیاواز بەکاردەهێنن، لەکاتێکدا هەندێک لە خواردنەکان هەوکردنی جومگەکان کەمدەکەنەوە و هەندێکی دیکەیان لەکاتی هەوکردنی جومگەکاندا نابێت بخورێن چونکە زیاتری دەکەن بەپێی ماڵپەڕی”doctor.ndtv”.
ئەم خواردنانە بەرپرسن لە هەوکردنی جومگەکان:
-شەکر
ئەو کەسانەی هەوکردنی جومگەکانیان هەیە باشترە لەو خواردن و خواردنەوانە دووربکەونەوە کە شیرینن، چونکە هەوکردنی جومگەکان زیاتر دەکەن.
-خواردنە سوێرەکان
زیادەڕەویکردن لە بەکارهێنانی خوێدا مەترسی توشبوون بە هەوکردنی جومگەکان زیاددەکات وەک هەوکردنی جومگەی ڕۆماتیزم، هەروەها دەبێتە هۆی بەرزبوونەوەی پەستانی خوێن، کە مەترسی توشبوون بە نەخۆشییەکانی دڵ، خوێنبەر و جەڵتەی مێشک زیاددەکات.
-گۆشتە ئامادەکراوەکان یان گۆشتی سوور
کاریگەرییەکی زۆریان لەسەر هەوکردنی جومگەکان هەیە و هۆکارن بۆ زیادبوونی هەوکردنەکانی جەستە بەتایبەتی هەوکردنی جومگەکان.
-باینجان
سۆلانین ماددەیەکە لە کۆمەڵێک لە سەوزەواتەکاندا هەیە وەک باینجان، توێژینەوەکان سەلماندویانە باینجان هۆکارە بۆ هەوکردنی جومگەکان، چونکە ماددەی سۆلانینی تێدایە لەگەڵ فلۆرای ڕیخۆڵە کارلێک دەکەن و دەبنە هۆی هەوکردنەکان بەشێوەیەکی ناڕاستەوخۆ.
-کاربۆهیدراتە سادەکان
ئەو خواردنانەی دەوڵەمەندن بە کاربۆهیدراتە سادەکان وەک نان، برنج و مەعکەرۆنی سپی ڕیشاڵ و کانزایان کەمترە بەراورد بەوانەی لە دانەوێڵە تەواوەکان دروستدەکرێن، زیادەڕەویکردن تێیاندا دەبنە هۆی هەوکردنی جومگەکان و مەترسی قەڵەوبوونیش زیاددەکەن.