مامۆستایان ساڵی نوێی خوێندن بە خۆپیشاندان دەست پێدەكەن

پۆڵەتیك پرێس

بڕیارە سبەی یەكشەممە 27/9/2020 مامۆستایان دەست پێكردنی ساڵی نوێی خوێندن بكەن بە خۆپیشاندانی سەرتاسەری.

دانا عەبدول یەكێك لە رێكخەرانی خۆپیشاندانەكە بە پۆڵەتیك پرێسی راگەیاند: ئەم دەسەڵاتە بەهیچ جۆرێك ئامادەنیە گوێ‌ لە داواكارییە رەواكانی مامۆستایان بگرێت، هەربۆیە بڕیارمانداوە سبەی یەك شەممە خۆپیشاندانی سەرتاسەری ئەنجام بدەن و خواست و داواكارییە رەواكانمان بخەینە ڕوو.

دانا عەبدول وتی: بڕیارە سبەی بەشێك لە قۆناغەكانی ناوەندەكانی خوێندن وەكو سەرەتای دەستپێكی ساڵی نوێی خوێندن بكرێنەوە، ئێمەش لەبری ئەوەی زەنگی خوێندن لە قوتابخانەكان لێبدەین زەنگی ئاگاداركردنەوە بۆ دەسەڵات لەسەر شەقام لێدەدەین.

بڕیارە سبەی لە پارێزگاكانی سلێمانی و هەڵەبجە و ئیدارەكانی گەرمیان و راپەڕین خۆپیشاندانی مامۆستایان ئەنجام بدرێت.

پەخشی راستەوخۆی رادیۆ پۆلەتیک