زیندانیانی سیاسی بۆ داواكردنی موچە گردبوونەوە

پۆڵەتیك پرێس:

دژی پێنەدان و دواكەوتنی موچەكانیان بۆ نزیكەی هەشت مانگ، بەشێك لە زیندانیانی سیاسی لە سلێمانی گردبوونەوە و داوا لە بەرپرسانی هەرێم دەكەن موچەكانیان بۆ خەرجبكرێت.

ئەو زیندانە لە گردبونەوەكەیاندا ئاماژەبەوەدەكەن، نزیكەی هەشت مانگە موچەكانیان راگیراوە، مافەكانیان زەوتكراوە، داوادەكەن موچەكانیان هاوتای زیندانیانی بەغدا دەكەن.

دەشڵێن: چەندینجار سەردانی بەغدایان كردووە بۆ هاوتاكردنی موچەكانیان، لەدواین سەردانیشیاندا كە هەفتەی رابردوو سەردانی بەغدایانكردووە، دوای چەندین كۆبونەوە و دانیشتن لەگەڵ بەرپرسانی بەغدا بەڵێنیان وەرگرتووە ماف و ئیمتیازاتی زیندانیانی سیاسی چارەسەر بكەن.