ئەكەپە دەیەوێت هەدەپە لە پەرلەمان دووربخاتەوە

ئەم بابەتە 59 جار بینراوە

پۆڵەتیك پرێس:

نوێنەری هەدەپە لە هەرێمی كوردستان رایگەیاند، ئەپەكە ئامانجیەتی هەدەپە لاواز بكات تا لە هەڵبژاردنی پێشوەختدا بەربەستی 10% نەبڕێت و لە پەرلەمانی دووربخاتەوە.

عەبد ئیكە نوێنەری هەدەپە لە هەرێمی كوردستان بۆ پۆڵەتیك پرێس وتی: هەڵمەتێك لە دژی هەدەپە دەستیپێكردووە، دوێنێ نزیكەی 80 بەرپرسی هەدەپە دەستگیركراون، سەرۆك شارەوانی جێگری هاوسەرۆكی هەدەپە، پەرلەمانتارانی پێشوو و ئێستای لەنێودان.

وتیشی: ئەكەپە ئۆپەراسیۆنی لە باشوری كوردستان و لیبیا ‌و سوریا كردووە، بەڵام سەرنەكەوت، ئێستا دەیەوێت لەبەرامبەر شكستەكەیدا بەرامبەری هەدەپە لەناوخۆی توركیا ئۆپەراسیۆن بكات، ئەو شكستەیان قەرەبوو بكەنەوە.

رونیشیكردەوە، ئەكەپە هەوڵ دەدات هەدەپە لاواز بكات، ئامانجی ئەوەیە هەڵبژاردنی پێشوەخت ئەنجامبدات، هەوڵ دەدات پارێزبەندی لەسەر 7 پەرلەمانتاری هەدەپە لاببات، هەموو هەوڵی ئەكەپە ئەوەیە هەدەپە لاواز بكات.

ناوبراو ئاماژەی بەوەشكرد، دوێنێ بە پاساوی بەخۆردانی كۆبانێ 80 ئەندامی هەدەپە و پەرلەمانتارانی پێشو و ئێستا دەستگیركراون، ئەو ئۆپەراسیۆنە بەردەوامە نازانرێت چەندی دیكە دەستگیردەكرێن، دیار نییە.

ئیكە وتی: پشتی شەش ساڵ لە بەرخۆدانی كۆبانێ لەبەرامبەر شەڕی داعش، لە نێو توركیا ئۆپەراسیۆن دژی هەدەپە دەكرێت.

ئەوەشی خستەڕوو، ئەم ئۆپەراسیۆنە كاریگەری دەبێت لەسەر هەدەپە بۆ هەڵبژاردنی پێشوەخت، ناتوانێت ئەنجامێكی باش بەدەستبهێنێت رەنگە نەتوانێت بەربەرستی 10% ببڕێت و نەگاتە پەرلەمان، ئامانجی ئەوانیش ئەوەیە.

پەخشی راستەوخۆی رادیۆ پۆلەتیک