بەوێنە..دوورگەی مارەکان ببینە

پۆڵەتیک پرێس

جیهان پڕە لە نهێنی و شوێنە مەترسیدارەکان کە پێشتر کەس نەیدۆزیوەتەوە، دوورگەی ئیلدا کیمادا بەیەکێک لەو شوێنانە پۆلێنکراوە، چونکە تەنیا مار تێیدا نیشتەجێیە و هیچ مرۆڤێکی تێدانییە، بەمەترسیداترین دوورگەی جیهان ناسراوە.

دوورگەی ئیلدا کیمادا زیاتر لە 4000 ماری بکوژی تێدایە و ئەو دوورگە مەترسیدارە دەکەوێتە دووری 20 میل لە کەناری بەڕزیل و ماڵی هەزاران مارە، بە دوورگەی مار ناسراوە دەوترێت پێنج ماری لەجۆری زێڕی لەهەر مەترێک چوارگۆشەدا نیشتەجێن، کۆی گشتیان دەکاتە 4000 لە دوورگەیەکی بچووکی 106 دۆنمیدا.

مارە زێڕینەکان کە لە دوورگەکەدا دۆزراونەتەوە یەکێک لە ژەهراویترینەکانی جیهانن درێژیان دەگاتە نیو مەتر و ژەهرەکەیان بەشێوەیەکە دەوترێت ئەگەری هەیە گۆشت بتوێنێتەوە و لەماوەی کاتژمێرێکدا ببێتە هۆی مردن، زیاتر لە سەدەیەکە هیج کەسێک لەو دوورگەیە ناژی.