حكومەتی هەرێم داهات و خەرجی شەش مانگی نەوتی بڵاوكردەوە

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

حكومەتی هەرێمی كوردستان داهات و خەرجی شەش مانگی نەوتی لە هەرێمی كوردستان بڵاوكردەوە كە زیاتر لە پێنج ملیار و 500 ملیۆن دۆلارە، ئاماژەی بەوەشكردووە، نزیكەی سێ‌ ملیاری داهاتەكە بۆ خەرجییەكانی بەرهەمهێنانی نەوت بووە و ئەوەی ماوەتەوە دراوە بە مووچە.

رۆژی سێشەممە 14-2-2023، حكومەتی هەرێمی كوردستان لە راگەیەندراوێكدا بەكاربردن، خەرجی و داهاتەكانی نەوتی لە ماوەی شەش مانگی كۆتایی ساڵی 2022 بڵاوكردەوە.

بەرهەمهێنان و فرۆشتنی نەوت لە چارەكی سێیەمی پاردا، لە 1-7-2022 بۆ 30-9-2022 بەمشێوەیە بووە:

– كۆی نەوتی بەرهەمهاتوو 38 ملیۆن و 730 هەزار و 175 بەرمیل.

– 35 ملیۆن و 977 هەزار و 571 بەرمیلی هەناردە كراوە.

– دوو ملیۆن و 319 هەزار و 88 بەرمیلی دراوەتە پاڵاوگەكان.

– 433 هەزار و 516 بەرمیلی بە ناوخۆ فرۆشراوە.

داهات و خەرجی نەوت لە چارەكی سێیەمی پاردا، لە 1-7-2022 بۆ 30-9-2022 بەمشێوەیە بووە:

– سێ ملیار و 116 ملیۆن و 890 هەزار و 171 دۆلار كۆی داهات.

– یەك ملیار و 513 ملیۆن و 801 هەزار و 875 دۆلار خەرجی بووە.

– یەك ملیار و 603 ملیۆن و 88 هەزار و 296 دۆلاری ماوەتەوە.

بەرهەمهێنان و فرۆشتنی نەوت لە چارەكی چوارەمی پاردا، لە 1-10-2022 بۆ 31-12-2022 بەمشێوەیە بووە:

– 40 ملیۆن و 175 هەزار و 186 بەرمیل نەوت بەرهەمهاتووە.

– 35 ملیۆن و 876 هەزار و 96 بەرمیل هەناردە كراوە.

– سێ ملیۆن و 914 هەزار و 536 بەرمیل دراوەتە پاڵاوگەكان.

– 384 هەزار و 554 بەرمیلی بەنێوخۆ فرۆشراوە.

داهات و خەرجی نەوت لە چارەكی چوارەمی پاردا، لە 1-10-2022 بۆ 31-12-2022 بەمشێوەیە بووە:

– دوو ملیار و 452 ملیۆن و 723 هەزار و 553 دۆلار داهات.

– یەك ملیار و 261 ملیۆن و 934 هەزار و 269 دۆلار خەرجی.

– یەك ملیار و 190 ملیۆن و 789 هەزار و 284 دۆلاری ماوەتەوە بۆ مووچە

كۆمپانیای دیلۆیت یەكێكە لە گەورە كۆمپانیاكانی جیهان؛ لە كۆتایی ساڵی 2016دا حكومەتی هەرێمی كوردستان گرێبەستی لەگەڵ كرد بۆ وردبینی لە داتاكانی كەرتی نەوتی هەرێمی كوردستان.