پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆکی نوێنەرایەتی حکومەتی هەرێمی کوردستان لە بەغدا ڕایگەیاند، حكومەتی عێراق بڕی 272 ملیار دیناری خستووەتە سەر هەژماری بانكیی هەرێمی كوردستان.
فارس عیسا سەرۆکی نوێنەرایەتیی حکومەتی هەرێمی کوردستان لە بەغدا ئاماژەی بەوەکرد، حكومەتی عێراق بڕە پارەیەكی خستەسەر هەژماری بانكیی هەرێمی كوردستان و پارەكە قەرزی گەنمی جووتیارانی هەرێمی كوردستانە.
لە درێژەی قسەکانیدا فارس عیسا ئەوەی خستەڕوو، ئەو پارەیەی حکومەتی عێراق خستوویەتییەسەر هەژماری بانکی هەرێم قەرزی جوتیارانە بۆ ساڵەکانی 2015 و 2016.
ساڵی ڕابردوو حکومەتی عێراق بڕی 37 ملیار دیناری پارەی گەنمی جوتیارانی نارد و بەناردنی ئەم 272 ملیار دینارە کۆتایی بە قەرزی گونمی جوتیاران دەهێنرێت.