پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وتەبێژی وەزارەتی دەرەوەی عێراق رایگەیاند، شاندی حکومی عێراق لەگەڵ وەزارەتی گەنجیەنی ئەمریکا کۆبوونەتەوە بۆ گفتوگۆکردن لەسەر پرسی ئەنجامدانی چاکسازی سیستەمی بانکی و نەختینەیی عێراق.
ئەحمەد سەحاف وتەبێژی وەزارەتی دەرەوەی عێراق ڕایگەیاند، فوئاد حسێن جێگری سەرۆک وەزیرانی عێراق و شاندەکەی لەگەڵ والی ئەدێیمۆ جێگری وەزیری گەنجینەی ئەمریکا و ئیلیزابێسی هاوکاری کۆبوونەتەوە.
ئاماژەی بەوەشدا،کۆبوونەوەی شاندی عێراق لەگەڵ بەپرسانی وەزارەتی گەنجینەی ئەمریکا بۆ گفتوگۆکردن بووە لەسەر دۆسیە گرنگە هاوبەشەکان و هەماهەنگی دوو قۆڵی نێوان هەردوولا.
هەروەها ئەوەشى ڕوونکردوەتەوە، رێکارەکانی حکومەت و بانکی ناوەندی عێراق لە پەرەپێدان و چاکسازی سیاسی نەختینەیی و پێشەنگی حکومی لە پتەوکردنی وەبەرهێنان و بازرگانی و هەمەرەنگی سەرچاوەکانی وزە و رووبەڕووبوونەوەی ئاڵنگارییەکانی ئێستا لەسەر ئاستی نەختینەیی و بانکی بەردەوام و کارایە.
وتەبێژی وەزارەتی دەرەوەی عێراق باسی لەوەشکرد، ئەم رێکارانە لە رووبەڕووبوونەوەی گەندەڵی و سپیکردنەوەی پارە و گرنگی بەردەوامبوونی کۆبوونەوە تەکنیکییەکان لە نێوان شارەزایانی هەردوولا رەنگدانەوەی دەبێت.