بازرگانێک شیرینی جۆراوجۆر دروستدەکات بۆ ئەو کەسانەی هەستیارییان هەیە

پۆڵەتیک پرێس

کوڕێکی 11 ساڵانی بەڕیتانی مانگانە 500 پاوەندی بە دروستکردنی شیرینی جیاواز بەبێ ئەو ماددانەی هەستیاری دروستدەکەن دەستدەکەوێت، پێشبینیدەکات لە داهاتوودا زیاتری دەستبەکەوێت و دوکانێک بکاتەوە.

لوک سکۆتنی کە بەردەوام بەدەست هەستیاری زۆر لە عەلی بابا و داری گوێزەوە دەیناڵاند بێ هیوا بوو بەهۆی نەبوونی شیرینی جۆراوجۆر بۆ ئەو کەسانەی وەک ئەو لەهەمان دۆخی تەندروستیدان، بۆیە بڕیاریدا بازرگانی خۆی دەستپێبکات و ئەو بۆشاییە لە بازاڕدا پڕبکاتەوە، بازرگانە بچووکەکە بە “میترۆ”ی وت:”دۆزینەوە شیرینییەکی سەلامەت بۆ خواردن ئەستەم بوو، بۆیە ئەم بیرۆکەیەم خستە بەردەم دایکم و لە بازاڕ گەڕاین و هیچ کەسێکمان نەدۆزییەوە ئەو کارەی هەبێت، بۆیە دەستمان کرد بە کارکردن لەسەر بیرۆکەکە”، باسی لەوەشکرد بۆ جاری سێیەم گەنجینەی شیرینی خۆی بە جۆرە جیاوازەکان پڕکردەوە و هەزار پاوەنی بەدەستهێنا و لەڕێگادایە بۆ بەدەستهێنانی زیاتر.

لەو پارەیەی بەدەستیدەهێنێت %75ی قازانجەکان بۆ فراوانبوونی بازرگانی دەچن، %12.5 بۆ پاشەکەوتکردن و %12.5 بۆ دانەوەی قەرزی باوکی، دایکی کە یارمەتی دەدات بۆ بەڕێوەبردنی بارزگانی لە ماڵەکەیەوە لە پیتەربۆرۆ باسی لەوەکرد بیرۆکەی کوڕەکەی زۆر نایاب بوو هەروەها لەڕووی ئابووریشەوە گونجاو بوو، بۆیە پارەی پێداوە و پڕۆژەکەیان بەیەکەوە دەستپێکرد، ئەم دووانە لەماوەی مانگێکدا خۆیان ماڵپەڕێکیان دروستکرد و لەئێستادا بەڕێژەی 50:50 هاوبەشن، کوڕەکە دەیەوێت کارەکەی و ئەو بەرهەمە شیرینیانەی هەستیاری دروستناکەن فراوان بکات و عەمبارێک بکڕێت و تیمێک دابمەزرێنێت بۆ کردنەوەی کۆگاکەی.