پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزارەتی سامانە سروشتییەکانی هەرێمی کوردستان ڕاگیرانی هەناردەی نەوتی بۆ تورکیا ڕاگەیاند.
وەزارەتی سامانە سروشتییەکانی هەرێمی کوردستان لە ڕوونکردنەوەیەکدا ڕایگەیاند، بەهۆی ئەو بوومەلەرزەیەی توركیا و سوریای گرتەوە، بەمەبەستی دڵنیابوون لە سەلامەتی هەناردەكردنی نەوت و خۆپارێزی لەهەر ئەگەرێكی نەخوازراو، بەرەبەیانی ئەمڕۆ هەناردەكردنی نەوت لە بۆری هەرێم – توركیا راگیرا.
وتیشی، بڕیارە دوای تەواوبوونی كارەكانی پشكنین پرۆسەی هەناردەكردن دەست پێ بكاتەوە.
ئەم بڕیارەی حکومەتی هەرێم دوای ئەوە دێت بەرەبەیانی ئەمڕۆ دووشەممە بومەلەرزەی بەهێز ناوچەکانی باکووری کوردستان و تورکیای هەژاند و بەهۆیەوە زیانێکی زۆر بە ژێرخانی وڵاتەکە گەیشت و قوربانییەکی بێشووماریشی لێکەوتەوە.