پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
مەفرەزەكانی بنكەی پۆلیسی سیتەك بەهاوكاری یاریدەدەرێتی ئاسایشی سیتەك حەوت تۆمەتباریان دەستگیركرد كە لەچەند شوێنێكی سنوری ناحیەی سیتەك دزییان كردبوو.
ئەمڕۆ شەممە پۆلیسی سلێمانی لە ڕاگەیەندراوێکدا ئاماژەی بەوەکرد، دوای تۆماركردنی چەند سكاڵایەك لەلایەن هاوڵاتیانەوە كە دزییان لێكرابوو، هێزەكانی پۆلیس و لێكۆڵینەوە بەدواداچوونەكانیان بۆ دۆزینەوەو دەستگیركردنی تۆمەتباران دەستپێكرد.
وتیشی، دوای وەرگرتنی بڕیاری دادوەر، توانرا لەلایەن بنكەی پۆلیسی سیتەكەوە بەهاوكاری یاریدەدەرێتی ئاسایشی سیتەك حەوت تۆمەتبار بدۆزرێنەوەو دەستگیربكرێن.
ئەوەشی خستەڕوو، لەكاتی دەستگیركردنی تۆمەتبارەكاندا دەستگیراوە بەسەر چەندین كەلوپەلی جۆراوجۆری دزراودا، لەگەڵ دوو ئۆتۆمبێل كە بە تۆمەتباران بووە بۆیە داوا لەو كەسانە دەكەین كە لەسنوری ناحیەی سیتەك دزییان لێكراوە سەردانی بنكەی پۆلیسی سیتەك بكەن بەمەبەستی تۆماركردنی سكاڵا و ناسینەوەی كەلوپەلەكانیان.
باسی لەوەشکرد، لە ئێستادا تۆمەتباران بەپێی ماددەی 443 لەیاسای سزادانی عیراقی ڕاگیراون و لێكۆڵینەوە لەگەڵیاندا بەردەوامە.
قەیوان گروپ
مایۆرکا سیتی جوانییەک لە دڵی سروشتدا
