پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەشی پێشبینییەکانی وەزارەتی گواستنەوە و گەیاندنی حکومەتی هەرێم کەشى پێشبینیکراوى 48 کاتژمێرى داهاتووی بڵاوکردەوە.
بەگوێرەی پێشبینییەکان ئەمڕۆ چوارشەممە، ئاسمان هەوری تەواو دەبێت لەگەڵ بارینی بارانی پچڕ پچڕ و بەفر لەناوچە شاخاویە بەرزەکان، رێژەى دابارینەکە لەکاتەکانی شەودا زیاتر دەبێت و هەندێک جار هەورە تریشقەى لەگەڵدا دەبێت.
هاوکات، سبەی پێنجشەممە ئاسمان هەوری تەواو دەبێت و باران لە سەرجەم ناوچە جیاجیاکان دەبارێت و هەندێک جار هەورە تریشقەی لەگەڵ دەبێت.
هەر بەگوێرەی پێشبینییەکان سبەی بارستە هەوایەکی سارد دێت و پلەکانی گەرما زیاتر دادەبەزن و بەفر لە سەرجەم ناوچە شاخاوییەکان دەبارێت، هاوکات سەنتەری قەزا و ناحیەکانى ناوچە شاخاویەکان و سەنتەرى شاری دهۆک و سلێمانى ئەگەرى بەفرێکى کەمى هەیە بە تێکەڵى لەگەڵ باران.