باشترین خواردنەکان بۆ دروستبوونی ماسولکە و ئێسکە بەهێزەکان

پۆڵەتیک پرێس

سیستمی خۆراکی تەندروست و گونجاو ڕۆڵێکی گرنگی لە دروستبوونی ماسولکە و ئێسکە بەهێزەکان هەیە، ئەوەش پێویستی بە ڕێژەی پێویست لە کالیسیۆم و ڤیتامین دی هەیە.

بێهێزی ماسولکە و ئێسکەکان لەوانەیە ببێتە هۆی شکان و فشەڵبوونیان، بەپێی ماڵپەڕی”stylecraze”، ئەم خواردنانە دەوڵەمەندن بە کالیسیۆم و ڤیتامین دی یارمەتی دروستبوونی ماسولکە و ئێسکە بەهێزەکان دەدەن:

-ماست
سەرچاوەیەکی سەرەکی کالیسیۆم، پۆتاسیۆم، ترشی فۆلیک، ڤیتامین دی و ئەیە، ڕێگری لە بێهێزی و شکانی ماسولکە و ئێسکەکان دەکات.

-شیر
باشترین سەرچاوەی کالیسیۆم، فۆسفۆڕ، پۆتاسیۆم، ڤیتامین ئەی و دیە پارێزگاری لە بەهێزی ئێسکەکان دەکات.

-سەوزەواتەکان
سەوزەواتەکانی وەک سپێناخ، کەلەرم، جەرجیر، کاهوو و سڵق دەوڵەمەندن بە کالیسیۆم، دژەئۆکسان و ڤیتامینەکان سوودێکی زۆریان لە بەهێزبوونی بەرگری جەستە و ئێسکەکاندا هەیە.

-ماسی
ماسییەکانی وەک سەردین، تونە و سەلەمون ڕێژەیەکی زۆر ڤیتامین دی یان تێدایە کە سوودێکی زۆریان بۆ تەندروستی ماسولکە و ئێسکەکان هەیە.

-هێلکە
سەرچاوەیەکی سەرەکی ڤیتامین و کانزاکانە بەتایبەتی کالیسیۆم و ڤیتامین دی و ئەی بۆ بەهێزبوونی ماسولکە و ئێسکەکان زۆر گرنگە.

-کەرەی بادەم
دەوڵەمەندە بە پڕۆتین و کالیسیۆم و ڕێژەیەکی کەم کۆلیستڕۆڵی تێدایە، بۆیە سوودێکی زۆری بۆ تەندروستی هەیە.