پۆڵەتیک پرێس
بەشێوەیەکی گشتی میوە زستانەکان سوودێکی زۆریان بۆ تەندروستی هەیە و دەوڵەمەندن بە ڤیتامین، کانزا و دژەئۆکسانەکان، یارمەتی سووتانی چەوری بەشێوەیەکی سروشتی دەدەن.
بەپێی ماڵپەڕی”news18″، سێ میوەی زستانە یارمەتی دابەزینی کێش دەدەن:
-پڕتەقاڵ
دەوڵەمەندە بە ڤیتامین سی یارمەتی ڕزگاربوون لە ژەهرەکان و کێشی زیادەی جەستە دەدات، کالۆری کەمە و ڕێژەیەکی زۆر پۆتاسیۆم و ڕیشاڵەکانی تێدایە هەستی تێربوون زیاددەکات.
-سێو
سەرچاوەیەکی سەرەکی ڤیتامین و کانزا گرنگەکانە بۆ جەستە، ڕێژەیەکی زۆر ئاسن، پۆتاسیۆم، مەگنسیۆم، مس، ڕیشاڵ، ڤیتامین سی و ئەی تێدایە سوودێکی زۆری بۆ کرداری هەرس، کەمکردنەوەی قەبزی و دابەزینی کێش هەیە.
-هەنار
کالۆری کەمە و دەوڵەمەندە بە دژەئۆکسان، کانزا و ڕیشاڵەکان، ڕۆڵێکی گرنگی لە دابەزینی کێشدا هەیە.