پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
دەسەڵاتی فڕۆكەوانی مەدەنی عێراق ڕایگەیاند، بریاریانداوە بە دامەزراندنی ٦٠٠ كارمەندی مەدەنی بۆ كاركردن لە هەریەك فڕۆكەخانەكانی بەغدا و بەسرە و موسڵ دادەمەزرێت.
عیماد عەبدول ڕەزاق ئەسەدی، بەرپرسی دەسەڵاتی فڕۆكەوانی مەدەنی عێراق رایگەیاند، لەسەر بنەمای پسپۆرێتی و دوور لە خزمایەتی و لایەنگری، ٦٠٠ فەرمانبەری حكومی بۆ كاركردن لە فڕۆكەخانەكانی (بەغدا – بەسرە – موسڵ) دادەمەزرێت.
وتیشی، بە سەرپەرشتی بەرپرسی دەسەڵاتی فڕۆكەوانی مەدەنی عێراق لیژنەیەكی تایبەتمەندی پێكهێنراوە بۆ بەدواداچوون بۆ هەڵبژاردنی ئەو فەرمانبەرانەی كە ئەو پسپۆڕییەی كاریان تێدایە كە پێویستە بۆ كاركردن لە فڕۆكەخانەكانی عێراقدا بەشێوەیەكی ڕوون ئاشكرا و دوور لەدەستتێوەردان.
ئەسەدی ئاماژەى بەوەشکردوە، هەر كاندیدێك دووربخرێتەوە دووبارە وەرناگیرێتەوە لە لایەن دەسەڵاتی فڕۆكەوانی مەدەنیەوە.
لەماوەی چەند ڕۆژی ڕابردوودا كارمەندانی گرێبەستی فڕۆكەخانەی نێودەوڵەتی بەغدا خۆپیشانیان ئەنجامدا، و داوایانكرد بكرێن بەفەرمانبەرانی هەمیشەیی.