وەزارەتى دارایی گرێبەستى فەرمانبەران نوێدەکاتەوە

بەپێى زانیارییەکان وەزارەتی دارایی دەستی كردووە بە دەرکردنی فەرمانی تازەکردنەوەی گرێبەستی کارمەندانی گرێبەست، لە دامودەزگاکانی حکوومەتی ھەرێمی کوردستان و هاوشێوەی ساڵەکانی ڕابردوو، نوێکردنەوەی گرێبەستی ئەو فەرمانبەرانە بۆ ماوەی یەک ساڵ دەبێت.

بەپیی بریارەکە لە 1ی1ی2023ەوە تاکو 31ی12ی2023 دەبێت، مەرجی تازەكرنەوەی گرێبەستەكانیشیان ئەوەیە، کە هیچ مووچەی دیكەیان نەبێت و لە دەوامكردنیش بەردەوام بن.

نزیكەی 29 هەزار فەرمانبەری گرێبەست لە دامودەزگاكانی حكوومەتی هەرێمی كورستان دەوام دەكەن و ئەنجوومەنی وەزیرانیش ئەنجوومەنی گشتیی ڕاژەی ڕاسپاردووە، بۆ ئەوەی ئەو فەرمانبەرانە بکات بە هەمیشەیی.