چوار جێگرەوەی تەندروست بۆ چا

پۆڵەتیک پرێس

زیادەڕەویکردن لە بەکارهێنانی کافایین لەوانەیە زیان بە تەندروستی دڵ، پەستانی خوێن و وشکبوونەوەی جەستە بگەیەنێت، هەندێکیش تووشی دڵتێکەڵهاتن و گێژبوون دەبن، بۆیە ئەگەر یەکێکی لە ئالودەبووانی چا بۆ زیادەڕەوینەکردن تێیدا دەتوانیت سوود لەم جێگرەوە تەندروستانەی ببینیت.

بەپێی ماڵپەڕی”timesofindia”، ئەم چوار خواردنەوەیە بە باشترین جێگرەوەی تەندروست بۆ چا دادەنرێن:

-چای لیمۆ
لەڕێگەی گژوگیای لیمۆ کە دەتوانرێت لەماڵەوە بچێنرێت ئامادەدەکرێت، سوودێکی زۆری بۆ کرداری هەرس هەیە و وەک هێورکەرەوەیەک کاردەکات.

-چای زەنجەبیل
سوودێکی زۆری بۆ تەندروستی و بەهێزبوونی بەرگری هەیە، یارمەتی ڕێکخستنی ڕێژەی شەکری خوێن و چارەسەرکردنی کێشەکانی کۆئەندامی هەناسە دەدات.

-چای نەعنا
تایبەتمەندی دژەڤایرۆس و میکرۆبی هەیە، جەستە لە هەوکردنەکان دەپارێزێت، دەوڵەمەندە بە پۆتاسیۆم، کالیسیۆم و ترشی فۆلیک بۆ گەدە بەسوودە.

-چای میوە
بەشێوەیەکی گشتی چای میوە لە میوەکانی توو، شاتوو، شلیک، قۆخ، بلوبێری، پڕتەقاڵ و ئەوانی لەو جۆرەن دروستدەکرێت، ڕێژەیەکی زۆر دژەئۆکسان و ڤیتامینەکانی تێدایە جەستە لە ژەهرەکان ڕزگاردەکات.