پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بڕیارە ئەمڕۆ پێنج شەممە پەرلەمانی ئەڵمانیا دانیشتنێكی تایبەت سەبارەت بە پرسی بە جینۆساید ناساندنی تاوانەكانی داعش دژ بە هاووڵاتیانی ئێزدی ئەنجام بدات.
بەگوێرەی سەرچاوەكانی هەواڵی ئەڵمانیا لە دانیشتنەكەدا بە رەسمی كارەساتی ئێزدییەكان لەلایەن پەرلەمانی ئەڵمانیا وەك جینۆساید دەناسێنرێت و بڕیاریشە لە دانیشتنەكەی پەرلەماندا هەریەك لە سەرۆك و جێگری سەرۆكی پەرلەمانی ئەڵمانیا و وەزیری دەرەوەی وڵاتەكە و سەرۆكی دەستەی مافی مرۆڤی وڵاتەكە ئامادەبن.
پارتی سەوزی وڵاتەكە رایگەیاند: بە جینۆساید ناساندنی تاوانەكانی داعش دژ بە ئێزدییەكان وەك پیشاندانی ڕێزێكە بەرامبەر قوربانیانی ئەو كارەساتانەی بەسەر ئێزدییەكان هاتووە.