پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
نرخی نەوتی برێنت یەك دۆلار و 12 سەنت دابەزی و هەر بەرمیلێكی بە 83 دۆلار و 86 سەنت مامەڵەی پێوەكرا.
هەروەها نرخی نەوتی سووكی تێكساسی ئەمریكا یەك دۆلار و 25 سەنت دابەزی و بە 78 دۆلار و 23 سەنت مامەڵەی پێوەكرا.
روسیا بە نرخێكی زۆر كەمتر نەوت بە وڵاتانی ئاسیا دەفرۆشێت، هەندێك كات 35 دۆلار كەمتر لە نرخی بازاڕەكانی جیهان.
لە ئێستادا چین و هیندستان و توركیا و بەشێك لەوڵاتانی ئاسیا گوێ بە سزاكانی رۆژئاوا بۆسەر ڕوسیا نادەن و نەوت لە مۆسكۆ دەكڕن.
هۆكارێكی تری دابەزینی نرخی نەوت ئامارەكانی ئابووریی ئەمریكا ئاماژە بەوە دەدەن كەرتی وردەفرۆشی و كەرتی كارگەكان و بەرهەمهێنان لە ئەمریكا پاشەكشەیان كردووە. ئەوەش وەك هێمایەك بۆ سستبوونەوەی ئابووریی ئەمریكا چاوی لێدەكرێت كە كاریگەری دەبێت لە كەمكردنەوەی خواست بۆ ئەو كاڵا ستراتیژییە.