پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
حاكم قادر ئەندامی ئەنجومەنى باڵای سیاسی و بەرژەوەندی یەکێتی رایدەگەیەنێت، پێویستە سەرەڕای ھەموو ناكۆكیەكان ھەردوولامان ھەوڵ بدەین خەڵك نەگەڕێنینەوە بۆ سەردەمانێك كە ململانێكان جگە لە زیان ھیچ سودێكی نەبووە.
حاکم قادر حەمەجان ئەندامی ئەنجومەنی باڵای سیاسی و بەرژەوەندییەكانی یەکێتی، سەردانی دەزگای تەندروستی پێشمەرگەی كردو ڕایگەیاند، دكتۆرانی شۆڕش لە كۆڵەپشتی شۆڕشەوە تا دەزگای تەندروستی پێشمەرگە ھەمیشە وەك پێشمەرگەو چارەسەركەری بریندارەكان ڕۆڵێكی كاریگەر و دڵسۆزانەیان ھەبووەو ئێمە وەك یەكێتی نیشتیمانی ھەوڵەكانیان بەرز دەنرخێنین.
ئاماژەی بۆ ئەوەشكرد، بەداخەوە ململانێ سیاسیەكانی نێوان یەكێتی و پارتی گەیشتۆتە ئاستی بەكارهێنانی دەستەواژەی ناوچەگەرێتی، هەرچەندە ئەمە فاكتەرێكی نوێ نییە، بەڵام لەم دۆخەی ئێستادا خەریكە هاوشێوەی شەڕەكانی دیكە كاری لەسەر دەكرێت، ئەمەش دەبێتە هۆی قوڵكردنەوەی ڕق و كینەی سیاسی و كۆمەڵایەتی.
حاکم قادر دەشڵێت، پێویستە سەرەڕای ھەموو ناكۆكیەكان ھەردوولامان ھەوڵ بدەین خەڵك نەگەڕێنینەوە بۆ سەردەمانێك كە ململانێكان جگە لە زیان ھیچ سودێكی نەبووە.”
ئەندامی ئەنجومەنی باڵای سیاسی و بەرژەوەندییەكانی یەکێتی جەختیکردەوە كە ئەركی حكومەتی ھەرێم و وەزارەتی تەندروستیە بایەخی تەواو بە سەرجەم نەخۆشخانە حكومیەكان بدات و لەپای كردنەوەی نەخۆشخانە ئەھلیەكان نەخۆشخانە حكومیەكان فەرامۆش نەكرێن.
قەیوان گروپ
مایۆرکا سیتی جوانییەک لە دڵی سروشتدا