پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەمەبەستی كۆنترۆڵكردنی بەهای دۆلار بەرامبەر دیناری عێراقی بڕیارێك لەلایەن بانكی ناوەندی دەرچووە بۆ كۆمپانیاكانی ئاڵوگۆڕی دراوو بازاڕی دۆلارەكەی سلێمانی كاری پێدەكات.
بەپێی نوسراوێكی بەڕێوەبەرایەتی گشتی بانكی ناوەندی هەرێم / سلێمانی، بڕیارە بانكی ناوەندی لەمەودوا دۆلار بە نرخی ڕەسمی 146000 بۆ 100 دۆلار بە دۆلار فرۆشەكانی شاری سلێمانی بفرۆشێت، و مەرجیشە هەر كۆمپانیایەكی ئاڵوگۆڕی دراو لە هەرێمی كوردستان بە لانی كەمەوە خاوەنی سەرمایەیەك بێت كە لە دوو ملیار و نیو دینار كەمتر نەبێت، بەپێچەوانەشەوە ئەگەر خاوەنی ئەو سەرمایەیە نەبن ئەوا پێویستە چەند كۆمپانیایەك یەك بگرن.
لە بەشێكی دیكەی نوسراوەكەی بانكی ناوەندی هەرێم / سلێمانیدا هاتووە، بانكی ناوەندی عێراق نوسراوێكی رەسمی ئاڕاستەی كۆمپانیاكانی ئاڵوگۆڕی دراو كردووە بۆ ئەوەی لەگەڵ ڕێنماییەكانی بانكی ناوەندی خۆیان بگونجێنن كەبەپێی رێنماییەكانی بانكی ناوەندی دوو گروپی بانكی هەن، گروپی (A) كە نابێت سەرمایەكەی لەپێنج ملیار دینار كەمتر بێت، گروپی (B)كە نابی سەرمایەكەیان لە دوو ملیار و نیو دینار كەمتر بێت، بانكی ناوەندی بەو جۆرە مامەڵەیان لەگەڵ دەكات و دۆلاریان بە بەهای رەسمی 146000 دینار پێدەفرۆشێت.