پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ناوەندی ئاڤراسیا بۆ توێژینەوەی سیاسیی و راپرسییەكان، ئەنجامی دوایین راپرسیی دەنگی لایەنە سیاسییەكانی لە توركیا ئاشكراكرد و راگەیاند. هاوپەیمانیی میللەت (ئۆپۆزیسیۆن) بە 9.8 خاڵ لە پێش هاوپەیمانیی جمهوور (دەسەڵات) كەوتووە.
ناوەندی ئاڤراسیا لە هەژماری تایبەتی خۆی لە تویتەر رایگەیاندووە، لە رۆژانی نێوان 3-8ی كانوونی دووەمی 2023 لە 26 پارێزگای توركیا و باكووری كوردستان بەشێوەیەكی راستەوخۆ پرسیاریان لە 2612 كەس كردووە، ئەگەر یەكشەممەی داهاتوو هەڵبژاردن بكرێت دەنگ بە كام لایەنی سیاسی و هاوپەیمانی دەدەیت؟
بەگوێرەی ئەنجامی راپرسییەكە:
جەهەپە 31.1٪
ئاكپارتی 29.5٪
ئیی پارتی 13.8٪
هەدەپە 11.2٪
مەهەپە 5.6٪
پارتی دێڤا 3.5٪
پارتی زافەر 1.7٪
پارتی سەرلەنوێ رەفاهـ 1.2٪ی دەنگەكانیان بەدەستهێناوە.
بەمەش هاوپەیمانیی جمهوور 35.1٪ و هاوپەیمانیی میللەت 44.9٪ی دەنگەكانی بەدەستهێناوە، واتە هاوپەیمانیی میللەت بە نزیكەی 10 خاڵ پێش هاوپەیمانیی جمهوور كەوتووە.